सयौं बिगाहा खेतलाई सिँचाई गरेको र भबिष्यमा हजारौं बिगाहालाई सिँचाई गर्न सक्ने चौकीबाँध यतिबेला राष्ट्रिय गौरबको आयोजना भनिने रानी जमरा कुलरिया सिँचाई आयोजना, कुला चौधरी र जनप्रतिनिधिहरुका कारण संकटमा परेको छ । यसले कुलापानी चौधरी, जनप्रतिनिधि, भलमन्सा, आयोजनामा कार्यरत कर्मचारी, ठेकेदार गम्भीर भएनन् भने अस्तित्व समाप्त हुन समय लाग्दो रहेनछ भन्ने सिख दिएको छ । कुरा कैलालीको लम्कीचुहा नगरपालिका–७, हरदहनी गाउँमा पर्ने चौकी बाँध र त्यससँग जोडिएको सामुहिक भूमिको हो । २०५२ सालअघि गाउँमा एउटा प्रहरी चौकी थियो, त्यही चौकी नजिकै बाँध भएका कारण त्यसको नाम चौकी बाँध रहन गएको हो । पहिले गाउँतिर चोर, डाँका बढी लाग्ने गरेकाले गाउँमा चौकी स्थापना भएको थियो । माओवादीको सशस्त्र युद्ध...