नौ नौ महिनामा कोखमा ढर्क जन्म डेहलो 
अपन छातीके दुध पिवइटी गीत गुन्गुनैलो 
आँखीके तारा बनलो हमरा हो। 

दुःख सहिके हमार सपना पुरा करेमा लगलो 
अपन दुःख भुलाईक टन हमार संग मुस्कुरैलो
नै बिस्रैहो अपन डाइ बाबा, खाली गोरा 
फाटल, चिंठल लुगा लगाके हमन खुशी डेहनै।

छोट छोट रहल बेला हाँठ पकरके नेंगक सिखैनै 
हमार उ बोलीमा मिठास भर्नै, अपन आँस लुकैनै 
लाठीके सहारा बन्न ठाउँमा आज पराई कैनै 
दुःख कष्ट करके पढाईले यी सजाई डेहनै हो।

छाइ छावाके सपना पुरा करेक टन 
घाम पानी सहके पुरा जो कर्ठइ 
अपन आँस कबु नै गिरैठइ
हाँसके आपन दुःख भुलैठइ।

छाइ छावाके मा चोट लागल बेला कुछ नैहुइल हो 
कहिके ठगे खोजला से फे बुझ लेठइ हो
बिना मंगले सप कुछ डेठइ 
अइसिन महान मनाइन खोजलासे फे नइ मिलहि ।

हारल बेला जिटेक सिखैलो 
गिरल बेला उठ्ना हिम्मत डेलो
यी स्वार्थी दुनियाँसे बँचैलो 
 अपन करम करेक सिखैलो ।

जिन्दगीमे मेहनत करेक सिखैलो 
सपना पुरा करेके टन आशा, विश्वास 
करेक सिखैलो, मैया व प्रेमसे 
घर परिवार चलाइक सिखैलो।

टोहार यी मैंयाले आघे बढेक सिखैलो 
हाँसी खेली जिन्दगी बिटाइक सिखैलो 
मैया व मेहनतले टुँ हमन 
सड्ड सड्ड आघे बह्रेक सिखैलो। 

मधुवन–१, बर्दिया