सम्पुर्णमा नमस्कार !
२०७९ मङ्सिर ४ गते सम्पन्न भएको निर्वाचनमा म धेरै आशा र विश्वासका साथमा आफू जन्मेको ठाउबाट चुनाव लडें ।एक  महिनाको कडा मेहनतले जनताको मनमष्तिकमा बसें, मेरो पक्षमा राम्रो माहोल र जनलहर पनि बन्यो, चुनाव जित्छु भनेर विश्वास धेरै जाग्यो तर सोचेको जस्तो परिणाम आएन, अन्तिमको दुई दिनमा सारा जनलहर टुट्यो - 

कारण अन्य उम्मेदवार जस्तो म पैसा पानी जस्तो बगाउन सकिन माछामासु वितरण गर्न सकिन, भोजभतेर गर्न सकिन, पैसा वितरण गरिन परिणामस्वरूप चुनाव परिणाम उल्टो भयो | यसरी माछामासु, रक्सी र पैसाले भोटरलाई प्रभावमा ल्याउनु मेरो सिद्धान्त  विपरत रहेको छ, म एउटा सामाजिक अभियन्ता हो, पुरै देशको नजर म माथि थियो, मात्र चुनाव लड्न आएको थिएन बल्कि चुनाव हुने गरेको विकृतिलाई हटाउन पनि मेरो धर्म थियो ।

नतिजा मेरो पक्षमा नआए पनि, प्रदेशसभा सदस्यको सर्टिफिकेट नपाए पनि वैचारिक र सैद्धान्तिक रूपले मेरो जित भएको छ । ठुला दलहरूको गठबन्धन बिच मैले नागरिक उन्मुक्ति पार्टीको तर्फबाट  प्रदेश सभा बारा क्षेत्र न १ (क) बाट चुनाव लड्न हिम्मत गरें, बिना कुनै संगठनको १३३४ मत ल्याए । १ नम्बर क्षेत्रमा प्रदेश सभा प्रत्यक्ष तर्फ (क) मा १२ जना पुरुष उमेदवारमा म एक्लो महिला उमेदवार थिए, ५ जना पुरुष भन्दा बढी मत ल्यांए - यंहा मेरो जित भएको छ । माछामासु र रक्सी वितरण गरेर सोझासाझा जनतालाई अन्य पार्टीले प्रभावमा नपारिएको भए अप्राकृतिक गठबन्धन पनि पछि नै रहने थियो ।

यो सुरूवात हो मेरो  राजनीतिक यात्राको - म अब अझै बढी मेहनत गर्नेछु जनताको सुखदुःखमा हरबखत साथ रहने छु अब बस्ने छैन, अब शक्ति बनेर अगाडी बढ्ने छु।  राजनीतिक विकृतीलाई हटाउने छु।  राजनीतिको नाममा दलाली र ठेकेदारी गर्ने लाई तह लगाउने छु। मेरो जनसेवा र राजनीतिक यात्रा संगसंगै अगाडी बढने छु। 

यो चुनावी दौडमा मलाई साथ सहयोग दिने सम्पूर्ण साथी भाइ लगायत आ आफ्नो ठाउँबाट सहयोग गर्ने सुभ चिन्तक पत्रकार मित्र मलाई सुरक्षा दिने सुरक्षा कर्मी लगायत आफ्नो अमुल्य मत दिने मतदाता सम्पूर्णमा हार्दिक आभार सहित  धन्यवाद व्यक्त गर्दछु।