मठौत (नेपाली भाषामा अनुवाद)

देखिने संसार फरक थियो
 अनुभव गर्ने संसार फरक
संसारको कुनै कुनामा म हराएको थिएँ
 हेर्नेलाई लाग्थ्यो
मेरो कुनै मूल्य छैन
यो अहंकारको संसार हो
देखावटी सजावटले संसार भरिएको छ
त्यही ठाउँमा  मेरो सानो साधारण स्थान  छ ।
म लोप भएको होइन
मानिसहरूले मलाई ईर्ष्यालु बनाइरहेका छन्
मेरो अस्तित्व कहाँ थियो?
मलाई कसले बुझ्ने ?
चमधमकको संसारमा
म रङहीन मठौत हुँ
घर बनाउनेहरू भन्छन्
मठौत अझै बनाइएको छैन
वा यो भन्दैन कि
मठौतबिना घरको छानो अधुरो रहन्छ
प्रत्येक दिन यही छु
छानाको  बीचमा
तर  जति नाम र, मूल्य छानालाई दिन्छ
 त्यति नै 
मलाई नाम, दाम र महत्व दिँदैन
त्यसैले म दुःखी छु
मेरो दुःखमा पनि
त्यहाँ मौनता छ
त्यो मौनतामा पनि 
म  मदहोस छु
मदहोसीमा पनि
म सबैभन्दा होसियार छु ।
मानिसहरूले मलाई नाम दिँदैनन्
मेरो प्रशंसा गर्दैनन्
तिनीहरूले मेरो मूल्य बुझ्दैनन्
सही हो
म प्रशंसाको भोको छैन
मैले मेरो महत्त्व बुझेको छु
खर वा खपरा दुवै घरको छाना
म बिना अपूर्ण छ
 मेरो ठाउँ पक्की घरले खाएको छ
कुनै वेला मेरो पनि समय थियो
मेरो पनि महत्तव थियो
घरको छाना म बिना अपूर्ण थियो।
केही फरक पर्दैन
सबैको दिन सधैँ  उस्तै रहन्न
यो मैले स्वीकार्नुपर्छ
तर अझै पनि जताजता छाना हुनेछ
म त्यतै उपस्थित हुनेछु
मठौत बनाएपछि मात्र छाना पूर्ण हुनेछ
सबैले मलाई बिर्सन्छन्
तर मैले आफूलाई बिर्सन दिन्नँ 
मेरो मानस पटलमा
मेरो अस्तित्व
मेरो पूर्णता
मेरो  महत्त्व
प्रत्येक दिन ताजा बनाइरहनेछु । 

सिरहा, हालः पोर्चुगल
अनुवादः कवियत्री स्वयम्