साहित्यकार शत्रुघन चौधरी सहजिकरन करल कार्यक्रममे कवि सन्तोषी चौधरी, गणेश वर्तमान, कृष्ण चौधरी ‘समर्पण’, डा कृष्णराज सर्वहारी लगायत स्रस्टालोग आअपन रचना सुनैले रहिट । ओस्टक सोम डेमनडौरा जुममार्फट रचना वाचन कर्ले रहिट । 

ओहे क्रममे डा रामबहादुर चौधरी, जगत वशिष्ठलगायत पहुनालोग ठुम्रार साहित्यिक बखेरीके नियमितताके कामना कर्ले रहिट । 

उ अवसरमे ठुम्रार साहित्यिक बखेरीके संयोजक डा कृष्णराज सर्वहारी थारु समुदायके स्रस्टा थारु साहित्यमे किल नाहि, नेपाली साहित्यमे फेन लागे पर्ना, मेरमेरिक प्रतियोगतामे भाग लेके अपन प्रतिभा निखारे पर्ना बटैलाँ । उहाँ नेपाल प्रज्ञा प्रतिष्ठानसे निकरटि रहल थारु भासक् लवाङ्गी पत्रिका, दाङसे निकरटि रहल लावा डग्गर साहित्यिक पत्रिका ओ लावा डग्गर साहित्यिक अनलाइनमे फेन थारु साहित्यिक रचना पठाके भासा संरक्षणमे लागे पर्ना अर्जि कर्ला ।