२०८२ साउन ९ गते धनगढीमे हुइल संघके चौठा अधिवेशनसे अध्यक्ष सहित नौ सदस्यीय लावा कार्यसमिति सर्वसम्मत रुपले छानगैलक हो । इहे क्रममे संघके उपाध्यक्षमे सुनिता चौधरी (सानु), सचिवमे राजुराज चौधरी, सहसचिवमे बालमोती चौधरी, कोषाध्यक्षमे लक्ष्मी राना रहल बटाँ । 

ओस्टक सदस्यमे शेखर दहित, कृष्ण चौधरी (समर्पण), मनमति बखरिया ओ कालुराम चौधरी छानगइल बटाँ ।

संघके संरक्षकमे डा कृष्णराज सर्वहारी, सल्लाहकार संयोजक छविलाल कोपिलासहिट आउर सल्लाहकारमे जीत चौधरी (ट्रासन), माधव चौधरी, सोम डेमनडौरा ओ नरेशलाल चौधरी बटाँ ।

स्मरन रहे, २०८२ चैत २१ गते धनगढीमे संघके चौठा अधिवेशन उद्घाटन होके बन्दसत्रमे बाट नैमिल्के स्थगित हुइल रहे । इहिसे पहिले अध्यक्षके उम्मेदवार सुनिता चौधरी (सानु) उपाध्यक्षमे बैठ्ना मन्जुर हुइलपाछे अप्कि कार्यसमिति सर्वसम्मत रुपले छानगइलक हो । 

थारू लेखक संघ नेपाल प्रत्येक बरस थारु साहित्य राष्ट्रिय सम्मेलन मेरमेरिक जिल्लामे २०७३ सालसे आयोजना कैटि बा । २०८२ माघमे पर्सा जिल्लाके सुगौली पटेर्वा गाउँपालिकाके बेलवा गाउँमे दसौं थारु साहित्य राष्ट्रिय सम्मेलन हुइल रहे । अप्कि २०८३ माघमे चितवनमे एघारौं थारु साहित्य राष्ट्रिय सम्मेलन हुउइया बा ।