दंगीशरण गाउँपालिका–३, चखौरास्थित थारु संग्रहालय परिसरमा माघ २६ र २७ गते भएको मटाँवा, बरघर, भल्मन्सा संघको अधिवेशनले नयाँ कार्यसमिति चयन गरेको हो । 

यसैगरी, समितिमा वरिष्ठ उपाध्यक्ष विनयकुमार चौधरी (कैलाली), उपाध्यक्ष धीरेन्द्र डंगौरा (कञ्चनपुर), महासचिव मथुराप्रसाद थारु (बर्दिया), सचिव केशवा थारु (बाँके) चयन भएका छन् ।

उता सदस्यमा आशाराम थारु (कपिलबस्तु), रामबलि चौधरी (रुपन्देही, सुनिता डंगौरा (कञ्चनपुर), कैलालीबाट यज्ञराज चौधरी, विमला डंगौरा र गणेश चौधरी, बाँकेबाट सुशील चौधरी र फुलकुमारी चौधरी, दाङबाट चन्द्रप्रसाद चौधरी, मनकुकमारी चौधरी, जगवीर चौधरी र यमबहादुर चौधरी, दुर्गाबहादुर थारु (सुर्खेत), बर्दियाबाट लखनप्रसाद वैद्य, माघुराम थारु तथा मोतिराम चौधरी रहेका छन् । विधानअनुसार उपाध्यक्ष, कोषाध्यक्ष, सचिव पद अझै पनि खाली रहेको छ । 

कतिपयले बरघर नभएकाहरु पनि मटाँवा, बरघर, भल्मन्सा संघको कार्यसमितिमा बस्ने लोभ गर्नु अशोभनीय रहेको टिप्पणी गरे । उता, कार्यक्रमको सहजीकरण गरेका वेसका कार्यकारी निर्देशक चूर्णबहादुर चौधरीले कार्यसमितिमा ९९ सय प्रतिशत बरघरहरु नै रहेको बताए । मुख्यमन्त्री भइसकेका डिल्लीबहादुर चौधरी संघको संरक्षक भएर बस्नु पर्नेमा पुनः अध्यक्षको जिम्मेवारी लिनु ठिक नभएको एक सहभागीको भनाई थियो । नयाँ कार्यसमितिको नामावली घोषणापछि निर्वाचन समितिका संयोजक हल्लुप्रसाद चौधरीले शपथ खुवाउन खोजेका थिए । तर, अध्यक्ष डिल्लीबहादुर चौधरी नामावली घोषणा अगावै बाहिरिएकाले शपथ कार्यक्रम नै भएन । 

मटाँवा, बरघर, भल्मन्सा संघको बन्द सत्रको उद्घाटन नेपाली कांग्रेसका नेता बालकृष्ण खाँडले गरेका थिए । त्यस्तै, भेलालाई पूर्वमन्त्री दीपक गिरी, लुम्विनी प्रदेशका सामाजिक विकास मन्त्री जन्मेजय तिमिल्सिना लगायतले सम्बोधन गरेका थिए । सत्रको अध्यक्षता लुम्विनी प्रदेश सभाका सभामुख पूर्णबहादुर घर्ती मगरले गरेका थिए ।

माघ २६ पहिलो दिनको उद्घाटन सत्रमा करिब १४० नाच इन्ट्री गरिएको थियो । समय नपुग्दा कतिपय टोली नृत्य प्रदर्शन नगरी फर्किएको थियो । कार्यक्रमको उद्घाटन पूर्व प्रधानमन्त्री शेरबहादुर देउवाले गरेका थिए ।