विगत २ वर्षदेखि ककन्डार रहेका मंगलप्रसाद चौधरी, वडासदस्य लीला चौधरी लगायतले नवनिर्वाचित ककन्डार रमन तथा टोल अघारीहरुलाई माला, टीका लगाइदिएका थिए । 

त्यस्तै, अघारीमा रगिता चौधरी (गुर्जिह्वा), रामबहादुर चौधरी (भुरीपुर), मनिराम चौधरी (पठरपुरवा), विमला चौधरी (चारघरुवा), स्याने चौधरी (छुटकी घुम्ना) चुनिएका छन् । गुर्जिह्वा, भुरीपुर, पठरपुरुवाको तथा छुटकी घुम्नाको आंशिक कुलोपानी एउटैमा लाग्ने गर्छ । यी गाउँको कुलोपानी एउटैमा लाग्ने भएकाले मूल ककन्डार एकजनालाई चुन्ने गरिएको छ । 

खोज्नी बोज्नी कार्यक्रमले रमन चौधरीको अगुवाईमा कुलो लाग्ने सबै गाउँका अघारी, गुरुवा पनि सदस्य रहने गरी १७ सदस्यीय गाउँ सुधार समिति पनि बनाइएको छ । जसको सल्लाहकारमा पूर्व ककन्डार मंगलप्रसाद चौधरी रहेका छन् । 

कार्यक्रममा थारु साहित्य–संस्कृति प्रतिष्ठानका कार्यकारी निर्देशक डा कृष्णराज सर्वहारील ककन्डार समितिमा महिला, युवाहरुलाई पनि समावेश गरेकोमा प्रशंसा गरे । श्री बाल जनता उच्च माविको व्यवस्थापन समितिका अध्यक्ष विक्रम चौधरी, रेशम चौधरी लगायतले सम्बोधन गरेको कार्यक्रमको सहजीकरण खेमलाल चौधरीले गरेका थिए । 

गाउँको कुलोको ठेक्का रामप्रसाद चौधरीले प्रतिकट्ठा रु ३४९ मा हात पारे । प्रगन्ना कुलोलाई दिइने रु १५ सहित उनले ३६५ रुपैया प्रतिकट्ठा पनकर उठाउन पाउने छन् ।