माघ १३ शनिवार बसेको गाउँको भुरा खेलले मंगल चौधरी पुनः चयन भएका हुन् । गत वर्ष पनि ककनडार रहेका उनले गाउँलेले पुनः विश्वास गरी नेतृत्व गर्ने अवसर दिएकोमा आभार व्यक्त गरे । 

ककनडारका अर्का प्रत्याशी विक्रम चौधरीले उम्मेदवारी फिर्ता लिदै जसले नेतृत्व लिए पनि गाउँको समग्र विकासमा दिलोज्यान दिएर लाग्नुपर्ने बताए । उनले गुर्जिह्वा गाउँको सिँचाई प्रणालीमा झरन पानी मात्रै भएकाले मूल कुलोबाट सिँचाईको लागि प्रगन्ना सिँचाई आयोजनासँग ककनडारबाट पहल गरिनुपर्ने धारणा राखे ।

यसैगरी कुलो सरसफाईका लागि कुलराज चौधरीले ठेक्का हात पारे । ४ जनाले टेण्डर दिएकोमा उनले ३६८ रुपैया ५० पैसा प्रति कट्ठा पनकर लिने शर्तमा ठेक्का पाएका हुन् । गुर्जिह्वा टोलअन्तर्गत भुरीपुर, पत्थरपुवा, चारघरुवा टोल रहेकोमा ती टोलका बरघर पनि चयन भएका छन् ।

यसैबीच, दाङको लमही नगरपालिकाको महटावाँ÷बरघर प्रणालीसम्बन्धी ऐन यही माघभित्र बस्ने नगरपालिका परिषदले पास गर्ने लमही नगरपालिकाका मेयर जोगराज चौधरीले जानकारी दिएका छन् ।