थारु आयोगको आयोजनामा थारु कल्याणकारिणी सभा (थाकस) क्षेत्रीय समितिको हल लमहीमा भएको कार्यक्रममा अधिवक्ता हल्लुप्रसाद चौधरीले ऐनबारे सहजीकरण गरेका थिए । 

कार्यक्रममा सहभागी लमही नगरअन्तर्गतका बरघरहरुले देउखुरी उपत्यकामा बरघरलाई ककनडार, अगह्वा भनिने हुँदा ऐनको नाममा पनि त्यही मौलिक शब्द राख्नुपर्ने जिकिर गरेका थिए । 

कार्यक्रमका प्रमुख अतिथि लमही नगरपालिकाका मेयर जोगराज चौधरीले आउने साता बस्ने नगर परिषद्को बैठकबाट महटावाँ÷बरघर प्रणालीसम्बन्धी ऐन पारित गरिने आश्वासन दिए । उनले पालिकाले थारु भाषामै पाठ्यक्रम बनाउने योजनामा रहेको पनि जानकारी दिए ।

सो अवसरमा बरघर प्रणालीबारे अनुसन्धानरत डा कृष्णराज सर्वहारीले सबैभन्दा पहिले बर्दियाको बारबर्दिया नगरपालिकाले बरघर ऐन पारित गरी राजपत्रमा समेत प्रकाशित गरिसकेकोको अवस्थामा अझै कार्यान्वयन हुन नसकेको बताए । उनले बरघर ऐन कार्यान्वयनको जटिलता फुकाउन पहिले ऐन पारित गरिसकेका पालिकाहरुसँग सहकार्य, समन्वय गरिनुपर्ने धारणा राखे । 

थारु आयोगका सदस्य सुबोधसिंह थारुले थारु समुदायको प्रथाजनित कानुन बरघर प्रणालीको संरक्षण गरिनुपर्ने बताए । उनले आयोगबाट आगामी वर्ष थारु युवावर्गलाई लक्षित गरी लमहीमा लोकसेवा आयोगको तयारी कक्षाका लागि पहल गर्ने बताए । 

थाकस देउखुरी क्षेत्रीय सचिव बालगोविन्द चौधरीले सञ्चालन गरेको कार्यक्रममा लमही नगरका ३ दर्जन बरघरहरुको सहभागिता थियो ।