‘लाल आयोगको प्रतिवेदन सावर्जनिक गर’, ‘राजबन्दी रिहाइ गर’, ‘टीकापुर घटना राजनीतिकरण गर’, ‘जनताको लागि लडेको, जेलमै सड्नु परेको ’, ‘न्याय देउ, न्याय देउ रेशमजीलाई बाहिर लेउ’ भन्ने नारा लेखिएका प्लेकार्ड सहित धर्नामा बसेका थिए ।

नागरिक उन्मुक्ति पार्टीकी अध्यक्ष रञ्जिता श्रेष्ठ चौधरीले रेशम चौधरीसहित टीकापुर घटनाका राजबन्दीहरूको रिहाइ नभएसम्म धर्ना जारी राख्ने बताइन्। उनले माइतीघरमा नवौं दिन र देशभरि नै थारूहरू स्वतस्फुर्तरूपमा धर्ना बसिरहेका बताइन्।

'रेशमजीको रिहाइका लागि देशभरि थारूहरू धर्नामा बस्नुभएको छ। माइतीघरको धर्ना पनि उहाँ नछुटेसम्म जारी रहन्छ,' उनले भनिन्। 

उनले निर्दोष थारूहरूलाई झुठा मुद्दा लगाएर राजबन्दी बनाइएको भन्दै उनीहरूको यथाशिघ्र रिहाइ हुनुपर्ने बताइन्।

त्यस्तै रेशम चौधरीका पिता लालविर चौधरीले न्यायका लागि धर्नामा बसेको बताए। 'हामी अन्यायका विरुद्धमा यहाँ धर्नामा बसेका छौं। अपराध गर्ने मान्छेलाई कारबाही होस् र निर्दोषहरूको रिहाइ होस् भनेर हामीले चाहेका हौं,' उनले भने।

त्यस्तै प्रतिनिधिसभा सांसद गंगा चौधरीले राष्ट्रपति विद्यादेवी भण्डारीलाई अध्यादेश प्रमाणीकरण गर्न आग्रह गरे। उनले अध्यादेशमार्फत् निर्दोष थारूहरूले न्याय पाउने भन्दै अध्यादेश प्रमाणीकरण गर्न आग्रह गरेका छन्।