बर्दिया निर्वाचन क्षेत्र नं. २ बाट उम्मेदवारी दिएका रेशमलालको उम्मेदवारी खारेज गरिएपछि उनको ठाउँमा नागरिक उन्मुक्तिले आधिकारिक मानिएका उनका बुवालाई चुनाव चिन्ह नल (पानी तान्ने मेसिन) प्रदान गरिएको हो ।

त्यस्तै, कैलाली निर्वाचन क्षेत्र ५ बाट उम्मेदवारी दिएका थरुहट नेता लक्ष्मण थारुको उम्मेदवारी खारेज गरिएपछि उनको ठाउँमा नागरिक उन्मुक्ति पार्टीबाट आधिकारिक मानिएका जगदीश चौधरीले पनि चुनाव चिन्ह नल पाएका छन् ।

निर्वाचन अधिकृतको कार्यालयले टीकापुर घटना मुद्दामा रेशम र लक्ष्मण थारुलाई जिल्ला अदालत कैलाली र उच्च अदालत दिपायलले दोषी ठहर भएको र रेशम २०७४ फागुन १४ गतेदेखि निरन्तर कैदमा रहेको र लक्ष्मण थारु उच्च अदालतले जन्मकैद फैसला सुनाए पनि फरार सूचीमा रहकोले उम्मेदवारी खारेज गरेको थियो ।

उनीहरुको उम्मेदवारी विरुद्ध छुट्टाछ्ट्टै उजुरी परेपछि उजुरी उप्पर छानविन गर्दै खारेज गर्ने निर्णय गरिएको हो ।