करिब दुइ साता पहिले गंगा सत्गौवा थारूले शान्ता चौधरीसँगको संयुक्त तस्विर सार्वजनिक गर्दै क्याप्सनमा लेखेकी थिइन्, ‘दाङ क्षेत्र नं १ बाट आगामी संघीय चुनावमा हामीमध्ये जसले टिकट पाए पनि एक अर्कालाई सघाउने निर्णय गरियो ।’
तर विहीबार फेसबुकमा एक स्टाटस लेख्दै गंगा सत्गौवा थारूले टिकट नपाएपछि स्वतन्त्र चुनाव लड्ने घोषणा गरेकी छन् ।
उनले भनेकी छिन्, ‘आज मैले ठिक निर्णय गरे या बेठिक, मलाई थाहा छैन । राष्ट्र र राष्ट्रियताको लागि म सधैं लागि रहनेछु । जनता भगवान हुन् जनता नै सर्वोपरि हुन् । देशलाई शिरमाथि राखेर आज स्वतन्त्र उमेदवार भएर जनताको बिचमा आउँदैछु । हजुरहरुको साथ चाहिएको छ ।’
यसअघि थरुहट तराई पार्टी नेपाल तथा एमालेबाट गरी गंगा सत्गौवा दुइ पटक समानुपातिक सांसद भएकी थिइन् । 
प्रतिक्रियामा डीएस भामी भन्छन्, दलालहरुका लागि यो सत्ता भन्ने चिज यस्तो हुन्छ कि भित्र पसि सकेपछि बाहिर निस्कनै मान्दैनन् । ती मध्येकै एक हो तपाईं, आफूलाई देशप्रेमी र राष्ट्रबादी भनेर खुब गौरव नगर्नु, अब पनि दाङका जनताले नचिनेका होलान् र तपाईलाई ?’