गणेश वर्तमान

टुहिन आप सुनसान लागि

भिन्सार क उँर्वा चैनार बनाइट

आपन सुट्पुट्रुक ब्वाले।

ओसहँक आपन ढङ्लासले भरल

मेर मेरिक गुनले

टुहाँर लग्गु आ क खिट्रुईया

चैनार लगुइया

आस मैयाँ मार्क चलगिल।

गोचाली

सक्कु उहँर रोरि बिछाइल रह

टुँ जर्मक लाक माटि चहबेर

उ आपन गडौरिम जर्मैल

आपन घ्याँचा मुन्डारिम ढैक

कना हो कलसे

उ टुहाँर जरम डिहुइया हुइट

अप्न निखा खा

टुहिन कल्वा मिन्हिँ खउइया

टुहाँर सोर्हिन्याँ हुइट।

गोचाली

टुहाँर आँखिम् आँस बा

डेर्हिभर धान रहजस पिँरा

गोचाली

यिहाँ पिँरा नि रलक के बा ?

यिहाँ डुख नि रलक के बा ?

टुँ ना रोऊ

टुँ रुइबो ट हुँकाहार अट्मा रुहिन

पैल्ह उ टुहिन जर्मिल

आप टुँ ढ्यारसे ढ्यार

महेश जर्माउ

टब हुँकाहार अट्मा खुसि हुहिन।

थारु भाषक पहिल पत्रिका गोचालीक जरमदाता महेश जि प्रति समर्पित