बेफ्वा पर्हाइ म बहुट कर्रा रह । वाकर डाई बाबा वाकर कहल जस्टक कापी, कलम किन्डिस । कना हो कलसे ओहि कौनो चिन्टा नि रलहिस  । टभुन ओहिँ स्कुल जाइबेर सर्डि लागल बेरिकअस साँसट लागिस ।
एकडिन बेफ्वा मन मर्ल स्कुल पुगल । क्लास म छिर्टि कि ओहि वाकर सङ्घर्यन हियाइ लग्लिस । उहि कह लग्लिस्, यि ट नेपाली ब्वाल नि जानट  और का जानि । उ चामचिम पल रहल ।
हुँकनक परीक्षा हुइलिन । रिजल्ट डेख्के वाकर सङ्घर्यन अचम्म लग्लिन । हुँक्र चामचिम रहलम बेफ्वा कहल, ‘महि नेपाली ब्वाल नि आइट कना नि हो । मै आपन उज्वल भबिस्यक लाक कैक आपन डाई ह कसिक बिस्राई सेकम ? थारु भासा कलक म्वार डाई हो ।