डिशहोम बाह्रखरी कथा प्रतियोगिता–२०८२’ क उत्कृष्ट २५ खिस्साकारमे उहाँलोग पर्लक हुइट ।

उत्कष्ट खिस्साकारमे परुइया अन्यमे चेतनाथ आचार्य, उमेश श्रेष्ठ, शिवराज शाही, ऋतेश गुरुङ, प्रज्ञा निरौला, सीता पाण्डे, भोगेन्द्र लिङ्देन, हरिबोल काफ्ले, वसन्तबायुङ राई (नाम्दोचा), लक्ष्मण सिटौला, इन्द्रप्रसाद गोतामे (जगतजङ्ग), जमुना भट्टराई, अनिता पन्थी, अविनाश भट्टराई, मन्दिरा मधुश्री, अमित घिमिरे, टीकाराम पोखरेल, उमा शर्मा, अनिता कोइराला, विष्णु एस राई, दामोदर ढुङ्गेल, प्रकाशकुमार शर्मा, डा हिमलाल श्रेष्ठ बटाँ । 

एक समारोह बिच काठमाडौंके सोल्टी होटलमे पुरस्कार पुस १० गते कइ जैना बा । पुरस्कारके रकम पैल्हा २ लाख, डुस्रा १ लाख ओ टिस्रा ६० हजार बा । उत्कृष्ट २५ भिट्टरके बाँकी २२ खिस्साकारहे जनही सात हजार रुप्या सम्मानस्वरूप डे जाइ । 

प्रतियोगिताके लग देश विदेशसे एक हजार १६८ खिस्सा आइल निर्नायक समिति जनैले बा । यकर मूल निर्नायक समूहके संयोजक साहित्यकार अशेष मल्ल ओ सदस्यमे कथाकारद्वय मञ्जु काँचुली ओ अभय श्रेष्ठ रहिट । 

स्मरन रहे थारु समुदायसे गइल बरस उत्कृष्ट २५ खिस्साकारके सुचिमे भूमिका थारु (दाङदेउखर) ओ इहिसे पहिले मनोज चौधरी अज्ञात (चितवन) पर सेकल बटाँ । ओस्टक मुना चौधरी (सिरहा) पैल्हा पुरस्कार जिट सेकल बटि ।