दाङदेउखरके २ शिक्षाप्रेमिन्के शालिक अनावरण हुइल बा । 

देउखरके गढवा गाउँपालिकास्थित श्री जनता माध्यमिक बिद्यालयके ६५ औ बार्षिक उत्सबके अवसरमे स्कुलके संस्थापक बिश्वेसर प्रसाद चौधरीके शालिक विद्यालय प्राङ्गणमे अनावरण हुइल बा ।

पूर्वमन्त्री मेटमणि चौधरी अघन ५ गते बिश्वेसर प्रसाद चौधरीके शालिक अनावरण कर्ला । नाताले बिश्वेसर मेटमणिके बुडु पर्ठिन । 

                                                                                                       पूर्वमन्त्री मेटमणि चौधरी बिश्वेसर प्रसाद चौधरीके शालिक आगे नतमस्तक

ओस्टक दाङके दंगीशरण गाउँपालिकास्थित श्री वीरेन्द्र मावि हेकुलीके संस्थापक शिक्षाप्रेमी, समाजसेवी, स्वर्गीय धरणीधर चौधरीके विद्यालय प्राङ्गणमे हुइल बा । 

अघन ५ गते हुइल शालिक अनावरणपाछे धरणीधरके चार गोसिन्यामध्ये मझली गोसिन्या श्रीमति पूर्णिमा चौधरीलगायत पहुनन् माल्यार्पण कर्ले रहिट । 

                                                                                                                 धरणीधरके मझली गोसिन्या श्रीमति पूर्णिमा चौधरी माल्यार्पण कर्टि

शिक्षामे ओज्रार डेखुइया पुर्खन्के शालिक ठह्रियइना ओइनके सम्मान हो । स्मरन रहे, देउखरके गढवा गाउँपालिकास्थित श्री सरस्वती माविके संस्थापक पूर्व मन्त्री परशुनारायण चौधरीके शालिक अभिन कहुँ नइ स्थापना हुइल हो ।

तस्विरः तृप्ती शिखा चौधरी ओ मेटमणि चौधरीके फेसबुकसे