त्यस्तै, थारू नागरिक अभियानअन्तर्गत रहने गरी जेन्जी संयोजकको जिम्मेवारी अधिवक्ता अर्नव चौधरीलाई सर्बसम्मत गरिएको छ ।

कार्तिक १६ गते काठमाडौमा बसेको सरोकारवालाहरुको प्रारम्भिक भेलाले थारू समुदायमा देखिएको शुन्यता र अन्यौलतालाई चिर्न थारू नागरिक अभियान गठन गरेको हो । 

थारू नागरिक अभियानको पहलमा काठमाडौ उपत्यका भित्रका सम्पूर्ण थारू अधिकारवादी संघ संस्था, थारू अगुवालगायत सरोकारवालाहरुसँग बृहत अन्तरक्रिया यसै साता गर्ने र देशैभरि अभियानलाई सञ्चालन गरिने आयोजक पक्षले जनाएको छ । 

थारू कल्याणकारिणी सभा कैलालीका पूर्व कार्यवाहक सभापति माधव थारूका अनुसार देशको परिवर्तित अवस्थामा समग्र थारू समुदायको आवाज, थरुहट, थारूवानको मुद्दा उठान तथा बहस गर्न र निष्पक्ष, स्वतन्त्र प्रगतिशील अभियान सञ्चालन गर्न थारू नागरिक अभियान अग्रसर रहनेछ ।