भदौ २८ गते हुइल कार्यक्रममे दिलबहादुर चौधरी, भूमिका थारु, सत्यनारायण दहित, मानबहादुर चौधरी पन्ना, प्रकृतिपूजा चौधरी, नरेश कुसुम्या अर्पण, गुरुप्रसाद कुमाल बुलबुल, डा कृष्णराज सर्वहारी लगायट स्रस्टालोग समसामियक रचना वाचन कर्ले रहिट । 

कार्यक्रममे शेखर दहित, सोम डेमनडौरा, डा रामबहादुर चौधरी, भुवन चौधरी, अर्नब चौधरी, कृष्ण समर्पण, सिताराम चौधरीलगायट बोलुइयन देशविदेशके थारु भासाके स्रस्टन जोरक लग फेन जुम प्रविधिमार्फत् नियमिट कार्यक्रम करे पर्नामे जोर डेलाँ ।

कार्यक्रमके संयोजक डा कृष्णराज सर्वहारी थारु भासाके लावा डग्गर साहित्यिक त्रैमासिकहे आब अनलाइनमार्फट लन्टि रलक जनैलाँ । डा रामबहादुर चौधरी ठुम्रार साहित्यिक बखेरीके हरेक कार्यक्रममे चाय पानीक लग सहयोग कर्ना वाचा कर्लां । कार्यक्रमके सहजिकरन गणेश वर्तमान कर्ले रहिंट ।