राकेश सिंहके अध्यक्षता, डा पुलकित चौधरीके प्रमुख आतिथ्यमे सम्पन्न भेल कार्यक्रममे उदय नारायण चौधरी, सन्तोषी चौधरी, नन्दलाल चौधरी, शत्रुधन चौधरी, श्रीसन चौधरी, अबिनाश चौधरी, आपन कबिता वाचन करने छेलै । अनिता चौधरी गीत गाबने छेलै । कार्यक्रममे श्रवन चौधरी, भागवत चौधरी, पुलकित चौधरी आआपन मन्तव्य राख्ने छेलै । आउर कार्यक्रम संचालन कल्पना चौधरी करने छेलै । 

उहि क्रममे साउन ३ गते थारु भसा साहित्य केन्द्रसे मैहनाके पहौनका सैन हैबला कार्यक्रम बसघरा श्रद्धेय रमानन्द प्रसाद सिंहके योगदान मे केन्द्रित भ्याके विशेष कार्यक्रमके रुपमे श्री महकिर उच्च मावि प्रसवनी, सप्तरी मे सम्पन्न भेलै । 

राजेश्वर प्रसाद सिंहके अध्यक्षता, महाबिर चौधरीके मूल मेजवानी या संविधान सभाके सभासद् असर्फी सदाके विशेष मेजवानीमे सम्पन्न भेल रहै । श्रद्धेय रमानन्द सिंहके बिषयमे चर्चा करैत वक्तासव ओकर व्यक्तित्वसे ल्याके ओकर काम कर्तव्य या संघर्षके बिषयमे जानकारी करा गेल रहै । कार्यक्रममे बहौतो कविता, खिस्सा, बिपतरी, गीत गाबैत सबके आपन आपन ठामसे कुछ ने कुछ करैले प्रण करैत समापन भेल रहै ।