कैलालीके जानकी गाउँपालिका, भगतपुरके कलाकार मित्थु थारु इ बरस संस्कृति पर्यटन तथा नागरिक उड्डयन मन्त्रालयसे सुदूरपश्चिमसे लोककला क्षेत्रसे क्षेत्रीय पुरस्कार पैले बटाँ । उ इहिसे पहिले नेपाल ललितकला प्रज्ञा प्रतिष्ठानसे मेरमेरिक पुरस्कार पैले बटाँ । दाङके चखौरालगायत संग्रहलायमे हुँकार मूर्तिकला, चित्रकला डेखे सेक्जाइठ । 

उ अवसरमे ठुम्रार साहित्यिक बखेरीके संयोजक डा कृष्णराज सर्वहारी थारु साहित्यमे किल नाहि, थारु लोककला, लोकसंस्कृति जोगैना अभियानमे लगुइयन फेन बखेरी सम्मान कैटि रहल बटैलाँ । सम्मानित कलाकार मित्थु थारु सम्मानसे आपनहे थप प्रेरना डेहल कहटि अइना डिनिम संयुक्त रुपमे व्यावसायिक ढंगसे कलाकारिता आगे बह्रैन प्रतिबद्धता कर्लां । 

शत्रुघन चौधरी सहजिकरन करल कार्यक्रममे साहित्यकार गणेश वशिष्ठ, सन्तोषी चौधरी, राकेश सिंह, नन्दुराज चौधरी, गणेश वर्तमान, सिताराम चौधरी, विवश चौधरी, कमल संघर्ष, भीमेश चौधरीलगायत स्रस्टालोग आअपन रचना सुनैले रहिट ।