नमुना भुइँह्यार थान तुलसीपुरके सभाहलमे हुइल कार्यक्रममे बर्का पहुना थाकस केन्द्रीय कोषाध्यक्ष चुर्ण चौधरी कल–‘थाकस कुछ नै करल कैक ढेर जे कठ, मने इ संस्था बहुट कुछ कर्ल बा । भासा, साहित्य, संस्कृति जोगैनाम याकर बरा योगदान बाटिस । अटवारीक् शुभकामना लेना डेना कार्यक्रम फे ओक्रे श्रृंखला हो ।’

कार्यक्रममे साहित्यकार छविलाल कोपिला अटवारी टिउहारके बारेम कार्यपत्र प्रस्तुत कर्ले रहिट । ओस्टक थारु संस्कृतिके जानकार चन्द्रप्रसाद चौधरी, नेपाल प्रज्ञा प्रतिष्ठानके प्राज्ञ सभा सदस्य डा कृष्णराज सर्वहारी कार्यपत्र उपर टिप्पनि कर्ले रहिट । 

कार्यक्रममे अटवारिक एकरुपताबारे गहन छलफल हुइल रहे कलेसे पुर्खालोग अटवारी काजे मना जाइठ कना मिथक बट्वइले रहिट । 

कार्यक्रममे श्रमलाल चौधरी, लभलिन क्यानभास, थारु स्वास्थ्यकर्मी समाजके अध्यक्ष जीवराज चौधरी, दंगीशरण–६ के टिकाराम चौधरी, तुई खोलाके कृष्णराज चौधरी, डेसबन्ढ्या गुरुवा भिमबहादुर चौधरी, ढरहरिया गुरुवा मोहन चौधरी, पञ्चकुलेके पूर्वप्रधानपञ्च धनिराम चौधरी अटवारीक बारेम आ आपन विचार ढैले रहिट ।

ओस्टक थाकस दाङ जिल्ला अध्यक्ष अशोक चौधरी, निवर्तमान जिल्ला अध्यक्ष भुवन चौधरी, थाकस क्षेत्र नं १ के सभापति प्रकाश चौधरी, थाकस क्षेत्र नं २ के सभापति अनिल गम्वा, थाकस केन्द्रीय पार्षद रामबहादुर दहित, कांग्रेसके भातृसंगठन थारु संघके जिल्ला अध्यक्ष शेषदत्त चौधरी, एमालेक् भातृसंगठन लोकतान्त्रिक थारु संघके जिल्ला अध्यक्ष मंगलसिंह डेमनडौरा, गाउँविकास समिति पूर्व अध्यक्ष रोहित चौधरी, तुलसीपुर उपमहानगरके १२ नं वडाध्यक्ष खुशीराम चौधरी, दंगीशरण गाउँपालिकाके वडाध्यक्ष सुकलाल चौधरी, डा जर्मन चौधरी, अधिवक्ता हल्लुप्रसाद चौधरी, नमुना भुइँह्यार थान तुलसीपुरके अध्यक्ष अधिवक्ता रामशरण चौधरीलगायत बोलुइयन फे अटवारीक महत्वबारे विचार ढैले रहिट । 

नमुना भुइँह्यार थान तुलसीपुर ओ महटाँवा महासंघ तुलसीपुर समितिके सहआयोजनामे हुइल कार्यक्रमके घरगोस्या थाकस क्षेत्र नं ३ के सभापति मोहन थारु रहिट । कार्यक्रममे थाकस क्षेत्र नं ३ के तदर्थ समितिहे पूर्णता डेगैल रहे । ओ, नवनिर्वाचित पदाधिकारी शपथ फे लेल । 

कार्यक्रममे एक सयसे ढेर महटाँवा, गुरुवन् उपस्थित रहिट ।