थारुभाषा बोलिचाली, लेखनी, कला, संस्कृती र परम्पराको संरक्षणका लागि उपमहानगरपालिकाले विद्यालयमा पठनपाठन गराउने गरि किताब तयार पारेको हो । यो शैक्षिक सत्रबाट कक्षा १ मा यो किताब पढाउन शुरु हुने छ । थारु कल्याणकारिणी सभा दाङले किताब प्रकाशनमा सहयोग गरेको छ ।

उपमहानगरपालिकाले किताब तयार पार्नका लागि बजेट विनियोजन गरेर थारु कल्याणकारिणीसभालाई लेखनीको जिम्मा दिएको हो । उक्त तयार पारिएको किताबका बिषयमा सोमबार शिक्षा समितिको बैठकमा छलफल भई सभाका अध्यक्ष अशोक चौधरीले नगर प्रमुख नरुलाल चौधरी, उपप्रमुख हुमाकुमारी डिसी र प्रमुख प्रशासकिय अधिकृत भोजराज घिमिरेलाई हस्तान्तरण गर्नुभयो । आगामी आर्थिक बर्षमा कक्षा २ को थारुभाषा किताब तयार पार्न २ लाख रुपैयाँ बजेट बिनियोजन भएको छ ।