थारू समाज सिड्नीका अध्यक्ष दीपनारायण चौधरीका अनुसार विटलाम पार्कमा आयोजना हुने माघी महोत्सव दिउँसो १२ बजेबाट सुरु हुनेछ। कार्यक्रम स्थल टेम्पी रेल स्टेसनबाट छोटो पैदल दूरीमा रहेको चौधरीले बताए।

कार्यक्रममा थारू परिकारको व्यवस्थासमेत गरिदैछ । घोंघीबाहेक ढिकरी, खिचरी, सुंगुरको मासु, तिलको लड्डु लगायत माघीको सबै परिकार उपलब्ध हुने अध्यक्ष चौधरीले बताए । उनले भने, पहिलो  वर्ष कार्यक्रममा आउने पाहुनाहरुलाई सित्तैमा ख्वायौं तर अर्को वर्षबाट गाह्रो भयो । त्यसैले, खानाको केही शुलक रहेको छ ।  

गैरथारूको पनि उपस्थिति हुने कार्यक्रममा थारू मौलिक नृत्य पनि देखाइने छ । यसपाली विदाकै दिन आइतबार जनवरी १५ मा माघी परेकाले धेरै पाहुना आउने अध्यक्ष चौधरीको विश्वास छ ।