आइतबार बिहान चौधरीलाई  सर्वसम्मत रुपमा दलको नेता चयन गरिएको कांग्रेस लुम्बिनी प्रदेश कार्यसमितिका सभापति अमरसिंह पुनले जानकारी दिए । 

उनले उपनेता पनि सहमति नै चयन गर्ने तयारी भएको  जानकारी दिए ।  कांग्रेस संसदीय दलको नेताका लागि चार सांसद आकांक्षी देखिएका थिए । चौधरी, राजु खनाल,अब्दुल रज्जाक र वीरबहादुर राना संसदीय दलको नेता बन्न आकांक्षी भए पनि डिल्लीबहादुर सर्वसम्मत चयन भएका हुन्। चौधरी हाल लुम्बिनी प्रदेशको सहरी विकास मन्त्री समेत छन् ।

छयालीस अघि नै दाङको तुलसीपुरमा ब्याकवार्ड सोसाइटी एजुकेशन (बेस) संस्था स्थापना गरी सोही संस्थामार्फत् सामाजिक कार्य गर्दै डिल्ली बिस्तारै राजनीतिमा छिरेका थिए । उनी संघीय सांसद भई केन्द्र सरकारको पनि मन्त्री रहिसकेका छन् । देउवासँग अत्यन्त निकट उनी सत्ता गठबन्धन भंग नभए मुख्यमन्त्री बन्ने थिए ।