थे्रस होल्ड कटाउन सफल राजनीतिक ती दलहरुले अन्य प्रदेशको तुलनामा सुदूरपश्चिम प्रदेशबाट भने निकै कम संख्यामा प्रतिनिधि सभा सदस्यको लागि नाम छनोट गरेको पाइएको हो ।

समानुपातिक सिट संख्या बाँडफाँड विवरण अनुसार राजनीतिक दलहरूले समानुपातिकतर्फको बन्दसूचीमा समावेश रहेका उम्मेदवारबाट प्रतिनिधि सभा सदस्य छनोट गरी निर्वाचन आयोगमा बुझाएका छन् । जुनअनुसार नेपाली कांग्रेसले ३२, एमालेले ३४, नेकपा माओवादी केन्द्रले १४, राष्ट्रिय स्वतन्त्र पार्टीले १३, राप्रपाले ७, जनता समाजवादी पार्टीले ५ र जनमत पार्टीले ५ गरी ११० सांसदको सूची बुझाएका हुन् ।

नेपाली कांग्रेसले बुझाएको समानुपातिकतर्फको सूची अनुसार सुदूरपश्चिम प्रदेशबाट खस–आर्य महिलातर्फ आरजु राणा देउवा (डडेल्धुरा), ईश्वरी न्यौपाने (कैलाली) र दलिततर्फ महासनाइ नेपाली (बाजुरा)लाई छनोट गरिएको हो । 

नेकपा एमाले र नेकपा माओवादी केन्द्रले प्रतिनिधि सभा सदस्यको लागि सुदूरपश्चिमबाट १÷१ जनाको नाम सिफारिस गरेका छन् ।

नेकपा एमालेले खस आर्यबाट बाजुराका दयाल बहादुर शाहीको नाम छनोट गरेको छ । भने, नेकपा माअ‍ोवादी केन्द्रले थारु महिलातर्फ कैलाली निर्वाचन क्षेत्र नं. १ की रुपा सोसी चौधरीको नाम सिफारिस गरेको हो ।

यो सँगै सुदूरपश्चिम प्रदेशबाट प्रत्यक्षका १६ सिट सहित २१ जनाले प्रतिनिधि सभामा सहभागी हुने भएका हुन् ।