मतगणना अन्तिमतिर पुग्दै गर्दा संघीय लोकतान्त्रिक राष्ट्रिय मञ्च (थरुहट)सहितका १२ दलले प्रतिनिधिसभाको समानुपातिकमा ५ हजार मत कटाउन नसकेका हुन् । 

जसअनुसार पिछडावर्ग निषाद दलित जनजाती पार्टीले ४ हजार ३६, विवेकशील साझाले ३ हजार ८२४, नेकपा माओवादी समाजवादीले ३ हजार ५२७, एकीकृत शक्ति नेपालले ३ हजार २२७, संघीय लोकतान्त्रिक राष्ट्रिय मञ्च (थरुहट) ले ३ हजार ९५, राष्ट्रिय मुक्ति आन्दोलन नेपालले ३ हजार ९०, मौलिक जरोकिलो पार्टीले ३ हजार २८, जमलोपाले २ हजार ९३१, नेपाल समावेशी पार्टीले २ हजार ५१४, नेकपा परिवर्तनले १ हजार ९८२, नेश्नलिस्ट पिपल्स पार्टीले १ हजार ८९७ र राष्ट्रिय नागरिक पार्टीले सबैभन्दा कम १ हजार ८४१ मत पाएको निर्वाचन आयोगले जनाएको छ ।

यसअघि संघीय लोकतान्त्रिक राष्ट्रिय मञ्च (थरुहट) की केन्द्रीय अध्यक्ष रुक्मिणी चौधरी दुइ पटक समानुपातिकबाट सांसद भएकी थिइन् । मंसिर ४ मा उनी दाङ–१ बाट प्रत्यक्षमा प्रतिनिधि सभामा प्रत्यक्षमा पहिलो पटक उम्मेदवार भएकी थिइन् । तर मात्र २९३ भोट पाइन् ।