चितवनः समाजसेवी कृष्णलाल चौधरीको संयोजकत्वमा १५१ सदस्यीय खिचरा महोत्सव मूल आयोजक समिति गठन गरिएको छ ।  चितवनमा आज बसेको बृहत बैठकबाट उक्त निर्णय गरिएको हो । 

महोत्सव २०७९ पुस २९ देखि माघ ९ गतेसम्म गर्ने निर्णय यसअघि नै गरिएको आयोजक संस्था थारु कल्याणकारिणी सभा चितवन क्षेत्र नं. ७ का सचिव दिपनारायण राउतले बताए । अर्को बैठकमा विभिन्न विषयगत समिति गठन गरिने सचिव राउतले बताए । 

थारु समुदायको खिचरा पर्वको अवसरमा हरेक वर्ष खिचरा महोत्सव आयोजना गरिदैं आइरहेको थियो । तर विगत केही वर्ष यता कोभिड–१९ का कारण स्थगित थियो । २०७८ सालमा आठौं संस्करणका लागि सम्पूर्ण तयारी भैसकेकोमा जिल्ला प्रशासन कार्यालयको निर्देशनपछि अन्तिममा आएर स्थगित भएपछि संस्थालाई लाखौं रुपैयाँ घाटा भएको थियो ।