उनले २०५३ सालमा निकालेको गीति एल्बम ‘हाल खबर’को रोयल्टी १७ हजार २१५ रुपैयाँ मुन लाइट्स रेकर्डसका सञ्चालक चन्द्रप्रकाश शर्माले डिल्ली बजार कारागारमा रहेका रेशम चौधरीलाई उपलब्ध गराएका हुन् ।

‘करिब २६ वर्षपछि पाएको आफ्नो पारिश्रमिकले मलाई अत्यन्तै उत्साहित बनाएको छ,’ कारागारबाटै निकालेको विज्ञप्तिमा रेशम चौधरीले लेखेका छन्, ‘मैले यो रकम मेरो श्रीमती रञ्जिता श्रेष्ठ चौधरीलाई निर्वाचन खर्चका लागि छुट्याएको छु ।’

रेशमकी श्रीमती रञ्जिता नागरिक उन्मुक्ति पार्टीका तर्फबाट कैलाली क्षेत्र नम्बर १ बाट प्रतिनिधि सभा सदस्यका लागि उम्मेदवार बनेकी छिन् । उनका प्रतिद्वन्दी गठबन्धनको तर्फबाट काँग्रेसका रामजनम चौधरी रहेका छन् ।

रेशमले बर्दिया–२ बाट दिएको उम्मेदवारी भने निर्वाचन आयोगले रद्द गरिदिएको छ । त्यहाँ रेशमका बुवा लालवीर चौधरीलाई नागरिक उन्मुक्ति पार्टीको आधिकारिक उम्मेदवार बनाइएको छ । उनले नल्का चिन्ह पाएका छन् ।