आम थारु नेपाली काँग्रेस पार्टी भेला आयोजक समितिका नवलपुरका संयोजक कमलराज गुरौबाट हस्ताक्षरित ५ बुँदे विज्ञप्ती जारी गर्दै शनिबार डण्डामा गरिएको पत्रकार सम्मेलन मार्फत उक्त ध्यानकर्षण  गराएका हुन्।

बिगत भाद्र १४ गतेदेखि पार्टीलाई उम्मेदवारको नामावली सिफारिस पठाउँदासमेत पार्टीले बेवास्ता गरेको र आइतबार असोज २३ गतेसम्म पनि माग सम्बोधन नभए नवलपुरका थारु काँग्रेसहरु गम्भीर निर्णय लिने पत्रकार सम्मेलनमा बताइयो ।

यसै गरी बर्दिया २ को कुनै एक प्रदेशमा काँग्रेसबाट थारु समुदायले टिकट नपाए विद्रोह गर्न सकिने उम्मेदवार सिफारिस गरिएका मिनराज चौधरीले ढकियाखबरलाई बताएका छन् । 

काँग्रेस महासमिति सदस्य समेत रहेका मिनराज स्थानीय चुनावमा बर्दियाको गेरुवा गाउँपालिकाबाट अध्यक्षको आंकाक्षी थिए । तर प्रदेश सभामा लाने भन्दै उनलाई थामथुम पारियो ।

यसपाली बर्दिया २ प्रदेश सभा ख बाट मिनराजले टिकट पनि पाएका थिए । तर बर्दिया २ को संघीय तथा प्रदेशको दुबै सिट गठबन्धनको माओवादीलाई गएपछि काँग्रेसले सुरुमै हात धुनु पर्यो । बर्दिया २ बाट आंकाक्षी काँग्रेस सहमहामन्त्री किशोरसिंह राठौर बाँके ३ बाट संघीय उम्मेदवार भई आफूलाई सुरक्षित गराएका छन् ।

काँग्रेस महासमिति सदस्य मिनराज चौधरीले भने, ‘सबै कुरा केन्द्रले मात्रै थोपरेर हुँदैन । स्थानीय अवस्था पनि बुझ्नुपर्छ । निर्णय नसच्चिए विद्रोह गरेर स्वतन्त्र चुनाव लड्ने तयारी गरेका छौं ।’ बर्दियाका असन्तुष्ट काँग्रेस थारुहरुको शनिबार बैठक बसेको थियो ।