नेपालीमा अनुवाद

खौर 

मेरो कथा धेरै अनौठो छ
म एउटा ठाउँमा जन्मेको थिएँ
हुर्किएको अर्को गाउँ हो
कर्म घर तेस्रो ठाउँ हो
म जहाँ गए पनि
मैले त्यहाँ आफ्नो ठाउँ बनाएँ।
किसानले धेरै मायाले खेत जोते
 उनले खेतमा धान छरे
म त्यही धानबाट जन्मेँ
म जन्मँदा मेरो नाम थियो बीउ
म जन्मेको खेतको नाम थियो बिरार 
म बिरारको छोरा हुँ
यही मेरो बाल्यकाल थियो
मलाई बाआमाको काख 
बेस्सरी मन पर्थ्यो ।
तर मेरो खुशी धेरै समय टिकेन
साथीहरूसँग खेल्न र बाआमाको काख

मलाई खुब मन पर्थ्यो  
म बिस्तारै हुर्किँदै थिएँ
साथीहरूसँग खेलिरहन्थेँ
हाँसिरहन्थेँ
बाल्यकालमा एक दिन
बुबाआमाको साथ छुट्यो
साथीहरूको समूह छुट्यो
म टुटेँ
म बिरारबाट उखेलिएँ
तिनीहरूले गौछी बाँधे 
म गौछीको रूपमा बाँधिएँ
त्यसपछि
तिनीहरूले मलाई  अर्को खेतमा फ्याँकिदिए
म कराएँ
म आवाज निकालिरहेँ
रोइरहेँ
म मेरा आमाबाबुलाई खोजिरहेँ
म मेरा साथीहरूको  साथ मागिरहेँ 
मेरो रोदन कसैले सुनेन ।
म गबको रूपमा अलग भएँ
दोहन लगाउने खेतमा रोप्नको लागि 
तिनीहरूले मलाई अर्को खेतमा रोपे 
त्यसपछि मेरो नाम भयो खौर
म खौरको रूपमा परिणत भएँ 
म गबको रूपमा 
अलग भएँ
अलग हुँदा, मेरो नाम रह्यो खौर ।
म  टुक्रा टुक्री रूपमा हुर्किन थालेँ
बुबा, आमाबाट छुटेँ
साथीहरूसित अलग भएँ 
दुई महिना भयो
म सबै पीडा बिर्सन खोजिरहेको थिएँ
त्यसपछि  मलाई  फेरि उखेले
तिनीहरूले गौछी बाँधे 
भादौ महिनामा फ्याँकिदियो 
तेस्रो खेतमा 
बिरारबाट खेतमा 
खेतबाट खौर गर्दै 
तेस्रो खेतमा रोपिएँ म
मलाई एक खेतबाट दोस्रो र
दोस्रोबाट तेस्रो खेतमा सारियो
यही मेरो कथा हो।
मलाई सकेसम्म धेरै दुःख दियो
जति दुःख दियो म त्यति नै बलियो भएँ
म शरद ऋतुमा बस्थें
म धानको बालाको रूपमा लटरम्म फलेँ 
किसानले हेर्दै भन्थे
खौर लगाएको धानको बीउ
लटरम्म फलेको छ
किसानले मेरो प्रशंसा गरिरहे
म मेरो प्रशंसा सुनेर
खेतभरि हाँसिरहेँ ।

अनुवादः कवि स्वयम्

सिरहा, नेपाल
हालः पोर्चुगल