प्रिय खेत,
ढोङा खसैछै तोहर उपर
कतौ कतौ दुर बरी जोरसे हवा बहै छै
कतौ पाइन परै छै
तोहे कहियो पाइनमे डुगैत रहैचिहि
कैहियो रौदसे सुखाइत टटाइत रहैचिहि
यी सबके बन करैके तागत नै छे हामरमे
हमर पछारी कोइ छै 
जेकरा हम नै रोइक सकैचियै प्रिय ।

प्रिय खेत,
हम जहै पेरा गेलियै ओहै पेरा नै घुमैले सकलियै
हमरा निक नै लागैये दोसरके नापै जोखैले
नियन्त्रण करैले
लेकिन हमर मजबुरी छै
हम केकरोसे नियन्त्रित चियै 

प्रिय खेत,
हमर वश चलतियै त 
हवा के रोइक देतियै
झाट बिहाइरके थाइम लेतियै
पाइनमे नै हेलैले देतियौ तोरा
झाट बिहाइर नै सहैले देतियौ तोरा
आइरके काइटके  हमरा बनाइछै
तैदने पाइन पटाइछै 
कैहियो हमरा खुलले दैछै छोइरके
कैहियो बान्ह उपर बान्ह बाइन्ह दैछै 
हम आपने चियै दोसरके बशमे
सायद तोहर भलाइ खातिर
हमरा काटैछै 
तोहर निक खातिर हमरा बान्हैछै
तोहे खुसी चिही कि दु:खी
से त हम नै जाइन सकलियौ
हम स्वयम् दोसरके नियन्त्रणमे चियै
घोरा लगाम के नियन्त्रणमे रहैछै
कर्मचारी हाकिमके नियन्त्रणमे रहैछै
तैहनङ हम कोदाइरके नियन्त्रणमे चियै
प्रिय खेत, हमर मजबुरी बुइझ दे । 

                 सिराहा नेपाल, हालः पोर्चुगल