मै युद्ध कर्ना भुइमनियाँ
म्वाँर सत्रु नि डेख परट
टर हरेक डिन
महि किच्लठा 
मै युद्ध कर्ना भुइमनियाँ ।
म्वाँर रगत
गोलीले नाहि
अन्यायले बहठा
मै युद्ध कर्ना भुइमनियाँ ।

सत्ताके मेच म
म्वाँर  नाउ नि हो
तर हुकन्हँक कुर्सी
म्वाँर हड्डी उप्पर टिकल बा
मै युद्ध कर्ना भुइमनियाँ ।

महि चुपाइ सिखैल
ढैर्यह धर्म कल
ओ सहनाहे
भाग्यक नाउ डेल
मै युद्ध कर्ना भुइमनियाँ ।

म्वाँर पस्नक म्वाँल नि हो
सड्डभर सस्टो रठा
तर म्वाँर मौनटा
सक्कुनसे महँग बा ।
एकडिन
यि भुईमनियाँ
लराइँ केल नाहि
इतिहास फे
लिखुइया बा।
                     

 दंगिशरण, दाङ
                        ९८४११४८६५७