बुह्रानिक छोटु डाडुक
राजनीतिक खेट्वा कमाइ भिर्लक
ढ्यार सल्वा हुइलिन
उहाँ इ खेट्वम
गन नि सेक्ना उन्ज्रा रकट 
व पस्ना बहा रख्ल ।

कौनो ना कौनो डिन 
उह खेट्वक कमाहि खाइ मिलि कैक
उ आसम बैसट बैसट
हुँकाहार 
जग्गा कमाइ बेर जर्मलक छावक
इ सल्वा भ्वाज हुइलिन ।

हुँकाहार कपारिक कर्या भुट्ला
हुँकाहार मुँहक कर्या डाह्रि म्वाँस
गोह्रर हुइना पाला पइलिन
बेन उ जग्गक 
कमाहि खैना पाला नि पैल ।

अइ छोटु डाडु,
टुँ बुझ पर्ना बाट का हो कलसे
आपन नाउँ जट्रा क्रान्टिकारी ढर्लसे फे
जट्रा क्रान्टिक सज्ना मैना गैलसे फे 
हुँकनक सोचम रहल
थारुन कमैया डेख्ना सोचके ठ्यापर ह
च्वाटसे काट्क नि फाँकट् सम
उ राजनीटिक फँट्वम 
जठ्याक रकट् पस्ना बहिलसे फे
कमाहि खाइ पैना अस्ट हो ।

बर्दिया, आबः काठमाडौँ