मै कसिन हुँ ?
टुँह कहो
महि आस्काल 
मार्क्सवादके बास फे पुइन गन्ढाइट ।
महि आस्काल
लेनिनबादके स्वाड फे बिख अस लागट ।
महि आस्काल 
माओवाददके चलन फे 
मट्टाइल भैँसक् लराइ अस लागट ।
काजे महिँ असिन लाक्ठुइ ?
टुँह कहो 
कि म्वार किउ लुगाबार काट डे राखल ?
मै जर्मटिक भरिक असिन नि लाग
 पैल्ह महि मार्क्सवादके बास 
बेब्रि डौनक् बास असक लाग । 
बेब्रि डौनक बासक् पाछ लाक्के 
मै आपनहन बिसर गिल रनहुँ ।
पैल्ह महि लेनिनबादके स्वाट् 
बर्यक् स्वाड असक् लाग । 
पैल्ह महि माओवाद कलक 
हमार हटल इतिहासहन जिटिना 
जिटाक आग टन्ना लह्रु असक् लाग ।
असट्मसे सट म पुग्ना डगर असक् लाग 
आस्काल सक्कु चास महिँ उल्टा लागठ
काजे हुइ ओसिन टुँह कहो 
पैल्ह टुँ गाउँ म रलहो 
पैल्ह टुँ गरिप मनैन्हँक बाट सुनो
जब टुँ सहर छिर्लो 
आस्काल टुहाँर सङ रुप्यक सिकार कर्ना गिढकेल रठ ।
एक्ठो बाट पटा बाट टुहिन ?
पैल्ह मै जसहँ रनहुँ आब फे ओसहँ बाटुँ ।
म्वारसङ कन्ढ्या डोसुइया मनै ओस्टक बाट 
टर टुँ पैल्हक जसहँ नि हुइटो 
टुहाँर सङ कन्ढ्या डोसुइया मनै नि हुइट 
बाट ट सिरिप रुप्यक सिकार खउइया गिढ केल्हिक ।