टुँ कठो बिस्रा डेउ, म्वार मन जुन, मन्बे मन्बे नि करट, 
जाट्टिसे, टुँहिनसे डुस हुइ ई मन, जन्बे जन्बे नि करट 

ज्यानसे ढ्यार मैयाँ टुँहार लागट, टुँ मानो या मानो,
टुँहार नाउँ बिना निलेला, ढक्ढिउरा चल्बे चल्बे नि करट 

सन्झ्या बिन्हँया, डिन डुपहर, राट बिराट सुरटा टुँहार, 
इ मन टुँहिन बाहेक और किहुन, गन्बे गन्बे नि करट 

सुखम हसुइया, डु:खम रुउइया म्वार मनै टुँह् ट हुइटो, 
स्वाचल पुगट ट ई जिउ, डु:ख खन्बे खन्बे नि करट 

साट जलम सम्म मै टुँहार हुइटु "डियर" कहुइया टुँ, 
आस्काल डान्चे बाटम रिसैठो, बाट बन्बे बन्बे नि करट ।

बर्दिया नेपाल, 
हालः दोहा, कतार

गजलकार इ रचना एआइसे रेकर्ड कइके गिट बनैले बटाँ ।

https://www.facebook.com/share/v/1DUVBS9w6B/