...
बर्किमार,
टुहिन सिखबेर 
हमहिन गवाँर बन्जिना डर लागल
टुहिन गाइबेर 
हमहिन आपन ह हियाइ अस लागल
सोच्क हम्र भोजपुरि गिड सिख लग्लि
टब्बसे टुँ हमार बह्रि छोरडेलो ।

....
बर्किमार,
जब्से टुँ हमा जिभिम रह छोर्लो
जब्से टुँ हमा गाउँ छोर्लो
जब्से टुँ हमा गाउँ कब्बु घुम्क नि अइम कैक
टाङ्गिक बिट्या पठ्रा छिराक गिलो
टब्से हमा गाउँ राहा लागल बन्वाँ बन रहल
टब्से हमा गाउँ डुल्हिक डाई बाबक हाल बना राखल ।

~ ~ ~ ~
बर्किमार,
हम्र लग्गक स्वान नि चिन्ठि
डुसिक पठ्र ठुन्याँर डेख्ठि
उक्वारिक सङ्घर्य डुस्मन
डुसिक डुस्मुन सङ्घर्या डेख्ठि
पैल्ह हम्र टुहिन बेकार कलि
आप पटा हुइल बेकार हम्रह बाटि । 
उहमार बर्किमार 
टुँ हमा पैल्हक बाट बिस्राक 
डोस लौट्क
हमा जिभिम बैस आउ
डोस डसैह्या गाउँ चौँकस कराए आउ ।

ठाकुरबाबा नगरपालिका, गोबरैला, बर्दिया
हालः काठमाडौं