दिलबहादुर चौधरी 

जब अङ्ना म डौना ओ बेबरी फुलल डेख्टुँ ट डस्या आ गिल जसिन लग्ठा
जब बठ्न्यावन झौँ झौँ पैयाँ लागट डेख्टुँ ट डस्या आ गिल् जसिन लग्ठा

हो भारी संस्कृति ब्वाकल् हमार थारु जात, नाचगान म रमिता  कर्ना
जब चक्डाउ चक्डाउ मन्ड्रा बाजट सुन्ठु ट  डस्या आ गिल् जसिन लग्ठा

डिउँटावन छाँकिबुंडी डेहक लाग डारु बनइना,  हमार  पुरान  रिति   हो 
जब डाइहँ गुम्रक डारु जोटाइल डेख्टुँ ट डस्या  आ गिल् जसिन लग्ठा

चाडबाडके ब्याल म हमन थारुन हँ सिढ्रा, मच्छी अनिवार्य चहठा
जब मामा घरक् माइ हँ सिढ्रा सुखाइ्ट डेख्ठुँ ट  डस्या आ गिल् जसिन लग्ठा

आब डस्या आइ्टा लौव लुगा लगाइ पैम कना, म्वार खुसिके  सिमा नि रह
जब डज्र्याव डसिहाँ जरावर सियट डेख्ठुँ ट डस्या आ गिल जसिन लग्ठा

कैलारी गाउँपालिका–५, कैलाली 
हालः रानीवन, काठमाडौं
२०८२ भदौ २८ गते, ठुम्रार साहित्यिक बखेरी अंक १०८ मे जुमसे वाचन करल रचना