कार्यक्रममा लेखक रामसागर चौधरीको “हालत” थारू कविता संग्रह र “थारु लोकनाच चोरखेलिया” तथा कवि प्रकाशनारायण चौधरीको “ प्रकाश के चिन्ता” थारू कविता संग्रह एवम् “हौली” थारु पत्रिका कार्यक्रमका प्रमुख अतिथि वेदनारायण गच्छदारबाट लोकार्पण गरियो । 

कार्यक्रममा मेयर गच्छदारले थारु भाषा र संस्कृति लोप हुंदै गएकोमा हौली परिवारले पुनरजागरण गर्ने सराहनीय काम गरेकोमा यस अभियानमा आफ्नो सहयोग रहने बताए । उनले समाजमा रहेको बिकृति, बिसंगति, दुब्र्यसनीको सुधार र जनचेतना फैलाउने काममा पनि हौली परिवारलाई लाग्न भन्दै दुहवी नगरपालिकाले यसमा साथ दिने बताए ।

लोकार्पित प्रकाशित पुस्तकहरुको बारेमा अमेरिकामा ओल्ड डोमिन विश्वविद्यालयका पूर्वीय दर्शनशास्त्रका प्रोफेसर दिनेश पौडेलले समीक्षा गरेका थिए । 

हौली परिवारले गरेको कामहरुको अधिकांश वक्ताहरुले प्रसंसा गर्नुका साथै अझै शसक्त रुपमा काम गर्न सुझाव दिएका थिए । सांसद जयप्रकाश चौधरीले हौली परिवारको संरचना बिस्तार गर्न तथा हौली पत्रिकालाई निरन्तरता दिन सुझाव दिए । 

गढी गाउँपालिकाका अध्यक्ष आशनारायण चौधरीले यी लोकार्पित प्रकाशित पुस्तकहरुले थारु समुदायमा अमर रहने बताए । 
२८औं बार्षिक साधारण सभाको अध्यक्षता हौली परिवारका अध्यक्ष  श्रवण सुथियार थारुले गरेका थिए । उनले परिवारको आब २०७९÷८० को वार्षिक प्रतिवेदन र नीति कार्यक्रमहरु पेश गरेका थिए । 

सो अवसरमा भाषा साहित्य र सामाजिक क्षेत्रमा योगदान गर्ने रामसागर चौधरी, प्रकाशनारायण चौधरी,रुद्रनारायण चौधरी, अवधनारायण माझी, बन्नालाल चौधरी, बालकृष्ण चौधरीलाई प्रमुख अतिथि मेयर गच्छदारबाट सम्मान प्रदान गरियो ।

साथै, अध्यक्ष सुथियारबाट प्रमुख अतिथि र अतिथिहरूलाई हौली परिवारको तर्फबाट मायाको चिनो प्रदान गरिएको थियो । 
कार्यक्रममा बूढीगंगा गाउँपालिकाका उपाध्यक्ष अमृता कुमारी गच्छदार, पूर्व गाउंपालिका अध्यक्ष बालचन्द्र माझीलगायत थारु कल्याणकारिणी सभा, थारू विद्यार्थी समाजका, थारु महिला सभा र हौली परिवारका पदाधिकारीहरुको उपस्थिति रहेको थियो ।

हौली परिवार थारु भाषा, संस्कृतिको विकास तथा संरक्षणका लागि २०४२ सालदेखि कार्यरत छ । यो परिवार संस्थाको रुपमा २०५१ साल माघ २२ गते जिल्ला प्रशासन कार्यालयमा, मोरङमा दर्ता भएको हो। 

यस परिवारले थारु भाषामा हौली वार्षिक पत्रिका २०७९ सम्ममा १५ अंक प्रकाशन गरिसकेको छ । बिभिन्न साहित्यिक गोष्ठीहरु संचालन गर्नुका साथै थारु लेखक संघले आयोजना गर्ने राष्ट्रिय थारु साहित्य सम्मेलनहरुमा सहभागिता जनाउँदै आएको छ । हौली परिवारको संयोजनमा आगामी माघमा आठौं राष्ट्रिय थारु साहित्य सम्मेलन मोरङमा गरिने भएको छ ।