लक्ष्मी चौधरी

मेरो पनि मन छ
तिम्रो पनि !
मेरो पनि दुख्छ
तिम्रो पनि
मलाई पनि दया माया छ
तिमलाई पनि
म मा पनि रिस दाहा छ
तिमीमा पनि
मलाई पनि जीवन जिउनु छ
तिमलाई पनि
मनुष्य हौं समस्याले
तिमलाइ पनि घेरेको छ
मलाई पनि
कसलाई दोष लगाउने
जे छ त्यसमा खुशी हुन बाहेक
केही उपाय छ र ?
म पनि तिम्रो
तिमी पनि मेरो
हैन र ?
महादेव ।

=====

                                                                                                                               कवियत्री लक्ष्मी चौधरी

२. एक पात्र हुँ 

जसलाइ सृष्टि कर्ता अनि

ममताको खानीको स्वरुप दिइन्छ

जसलाई पुज्ने पनि गरिन्छ

अनि कहिले कुट्ने पनि गरिन्छ ।

हो, त्यही पात्र भित्रको म एक पात्र हुँ ।

जीवन जिउन

म मा पनि केहि आधार

अनि आफ्नै शैली छ ।

कोमल हृदयमा आफ्नै चाहना

अनि इच्छा छ

तर

म छोरी हो

श्रीमती हो

बुहारी हो

आमा हो

सासू हो ,

हो, त्यही संयन्त्र भित्रको म एक पात्र हुँ ।

अरुलाइ खुसी बनाउन

आफ्नो खुशीलाई बलि चढाउने

जीवनको दौडानमा

आफू हारी अरुलाइ जिताउने

हो त्यही मनकारी भित्रको

म एक पात्र हुँ ।

                            राप्तीसोनारी, बाँके