कार्यसमितिको हालै धनगढीमा बसेको बैठकले माघ २० देखि २२ गतेसम्म राप्ती सोनारीको सिढन्वामा  ७औं  राष्ट्रिय थारू साहित्य सम्मेलनको अवसरमा स्रष्टालाई सम्मान गर्ने जनाएको छ । 

यसका लागि संघले पुरस्कारका लागि इच्छुक कृतिकारलाई आगामी माघ ५ गते भित्र आफूले लेखन तथा संकलन गरेको  कृति बायोडाटासहित मनोनय दर्ताका लागि अनुरोध गरेको छ ।

थारू भाषा, साहित्य, कला र संस्कृति आदि विधामा कलम चलाई थारू वाङ्मयमा महत्वपूर्ण योगदान पु¥याउने लेखक, स्रष्टा, साहित्यकार, कलाकार एवं अनुसन्धानकर्ताहरुलाई सम्मान तथा पुरस्कार प्रदान गर्ने उद्देश्यले संघले  करिब ६ लाखको अक्षय कोष स्थापना गरेको छ ।  संघका अध्यक्ष जीत ट्रासनका अनुसार पुरस्कार रकमका लागि संस्थापक तथा आजीवन सदस्यता वापतको रकम तथा कार्यक्रम गरी जोगाइएको रकमले  अक्षय कोष स्थापना गरिएको हो । संघले प्रदान गर्ने पुरस्कार मूल्यांकन समितिको अन्तिम निर्णय नै सर्वमान्य हुने जनाएको छ ।

संघले २०७८ फागुन ११ र १२ गते कञ्चनपुरमा भएको छैठौं राष्ट्रिय थारू साहित्य सम्मेलनमा गीत संगीत क्षेत्रमा महत्वपूर्ण योगदान पु¥याउने दोषहरण चौधरीलाई नगद १५ हजार ५५५ नगद पुरस्कार सहित प्रमाणपत्रले सम्मान गरेको थियो । यसपाली पुरस्कारको रकममा १० हजार बृद्धि गरी २५ हजार ५ रुपैया बनाएको छ ।

त्यसैगरी २०७७ चैत्र २१ र २२ गते सुर्खेतमा भएको पाँचौ राष्ट्रिय थारु साहित्य सम्मेलनमा आख्यानकार शेखर दहितलाई नगद ११ हजार १११ सहित पुरस्कृत गरिएको थियो ।